#753యేసు క్రీస్తును – జీవ వాక్యమా నన్ను నడుపుమా – మోక్షపదమున ||

ఆదినుండి తండ్రితో – కలసియున్న వాక్యమా పరిపూర్ణమైన – సంతోషముంగల సహవాసమును గూర్చుమా ||

లోకమునకు వెలుగై – తేజరిల్లు వాక్యమా జీవంపు వెలుగు – ప్రసరింప జేసి కనువిప్పు కలిగింపుమా ||

సత్యమైన వాక్యమా నిత్యమైన వాక్యమా వాక్యంబు నెప్పుడు – గైకొంచు నడువ పరిపూర్ణ స్థితి నిమ్ముమయా ||

ప్రాణమే యర్పించిన – ప్రేమయైన వాక్యమా మరణంబు నుండి – జీవంబు నొందే పరమున్ ప్రసాదించుమా ||

మంచి చెడుల నెల్లను – ఎంచి చూపు వాక్యమా వంచించు ఆత్మన్ – ఖండించి గెలవగ పరిశుద్ధాత్మ బలమిమ్ముమయా ||

సజీవమై. శక్తియై – వాడియైన వాక్యమా ప్రాణాత్మలందు – శోధించి, వెదికి సంపూర్ణ స్థితినిమ్ముమయా ||