#747రమ్ము యెహోవా రమ్ము ప్రభో

రమ్ము యెహోవారమ్ము ప్రభో – క్రమ్ముము నాదు హృదయమును నా ప్రార్థనకు నీ చెవియొగ్గి – నా మనవి నాలకించుటకై ||రమ్ము దేవ||

విరివిగ వలచి లోకమును – దరిద్రము లెన్నో చేసి భరింపరాని భారమును – హరింపజేసి రక్షంపన్ ||రమ్ము దేవ||

తలచి నాదు పాపములను – తలచి వాని ఫలితములను తలంపుకే మది చెదరినది – తొలగింప నానాదు దురిత స్థితిని ||రమ్ము దేవ||

కరములు చాసి పిలుచుచుండన్ – త్వరితపడి రమ్ము సహాయపడన్ మొరాలకించుము చెవియొగ్గి – బిరాన నన్ను విడిపించుటకై ||రమ్ము దేవ||

నా రక్షకుండు విమోచకుడై – ఆనంద సంతోషముల నిచ్చు నా దేవుని నే చూచుటకు – నేడే యాశించుచు వేచియుంటిని ||రమ్ము దేవ||

శుద్ధముగు హృదయమును – సుస్థిరమగు విశ్వాసమును నిశ్చలభక్తిని నా యందున – నూతనముగా పుట్టించుటకు ||రమ్ము దేవ||

నిలిపితి నీపై నా మనసున్– నిలిపితి నీపై నమ్మికను చలింపకుండగ కాపాడున్ – పాలింప రమ్ము పరమ తండ్రి ||రమ్ము దేవ||

కురిపించుము నీ యాత్మను నా పై – కురిపించుము నీ కృపను నాపై తరింప జేయుము నా తనువును – స్మరింతును నిన్ను నిరతమును ||రమ్ము దేవ||