#746అలసి సొలసి పోతిని

Author: సి.ఎ.జె.ప్రసాదరావుCategory: లంబాడ / గిరిజన కీర్తనలు

ప

రాగము : మిశ్రనటభైరవి తాళము : త్రిశ్రగతి అలసి సొలసి పోతిని – సేదతీర్చవా ప్రభూ! ప్రశాంత జీవ జలముల – త్రాగనిమ్ము నిండుగా ||

దూరభారములను నేను – పారజూడ బోవ గాలివాన సంభవించి – గుండెలోన గుబులు గలిగి ||

ముందు వెనుక చూడక – చెంగు చెంగు మంచు నెగుర గుండురాయి కాలుదగల – గుండెలోన గుబులు గలిగి ||

లోతుపాతులు ఎరుగక – ఎదురుగాను ఈదబోవ గొంతుదాక మునిగిపోవ – గుండెలోన గుబులు గలిగి ||

మంచి చెడుగు లెంచక – కొంటెగాను సంచరింప గృహంవారు రోసివేయ – గుండెలోన గుబులు గలిగి ||

కీడు మేలు లందున – మేలు మార్గ ముందు బోవక కీడు సంభవించగానే – గుండెలోన గుబులు గలిగి ||

జీవమరణమందలి – జీవమే మొగనలేక మరణమెదురు పడిన వేళ – గుండెలోన గుబులు గలిగి ||