#730ఓ దేవా నేను నీ దాపున

ఘోర పాపిని నేను – నేరంబులను చేసి దారి తప్పిన ద్రోహిని – కారుణ్యమయుడవే కరుణించి కాపాడి – దారిలో నన్నుంచి దరి చేర్చుము తండ్రి ||శ్రీ యేసు||

దోషకారిని నేను – దోషంబులచేసి దోసిలొగ్గితి ప్రభువా – దాసుండనో యేసు నాథా నీ దయచేత – దోషంబులనుబాప దాసునిగ జేకొనుము ||శ్రీ యేసు||

సాతాను శక్తులను – సంధించి జయముంది సంతరిల్లిన యేసువా – నీతోనే నేనుండి నిన్నే సేవించెద – సాతాను నోడించి శక్తి నియ్యుము ప్రభువా ||శ్రీ యేసు||

అలనాడు శిష్యులను ఆదరించియు నెంతో అభయమిచ్చిన యేసువా – ఇల నే దీనుడనయ్య అలముకొని యున్నట్టి – కలుష భారములెల్ల తొలగజేయుము తండ్రి ||శ్రీ యేసు||

నాదు జీవితమెల్ల – నీదు సేవకే నేను ధారవోయుదు నా ప్రభువా నాథా నా రక్షకా నా సర్వస్వము నీవే నీ పాద సేవయే – నా జీవితాశయము ||శ్రీ యేసు||

నీ కొరకే జీవించి – నిన్ను సేవించుచు నీకొరకే మరణింతును – నీకే నా యాత్మను నిజమొప్ప నర్పించి నీ సన్నిధిలో నేను నిత్యముందును ప్రభువా ||శ్రీ యేసు||

ఇదియే నా తుదియాశ – ఇదియే నా తుది కోరిక ఇదియే నా తుది ఆశయము – హృదయంబు నీ కిత్తు పదిలంబుగా నేను – సదయుండా నిరంతంబు అందు నివసింపుము ||శ్రీ యేసు||