#672పాడెదన్ దేవా - నీ కృపలన్ - నూతన గీతములన్

భూమి పునాదులు వేయకముందే యేసులో చేస్తివి ప్రేమ పునాదులు వేస్తివి దీనుని బ్రోచితివి ఈ దీనుని బ్రోచితివి ||పాడెద||

ప్రవిమల రక్తము కల్వరి సిలువలో కలుషునకు నిచ్చితివి ప్రేమకృప మహా ఐశ్వర్యములతో పాపము తుడిచితివి నా పాపము తుడిచితివి ||పాడెద||

పాపము శాపము నరకపు వేదన మరి తొలగించితివి అపరాధముల చే చచ్చిన నన్ను ధరణి బ్రతికించితివి నన్ను బ్రతికించితివి ||పాడెద||

దేవుని రాజ్యపు వారసుడనుగా క్రీస్తులో చేసితివి చీకటి రాజ్యపు శక్తుల నుండి నన్ను విడిపించితివి చెరవిడిపించితివి ||పాడెద||

ముద్రించితివి శుద్ధాత్మతో నన్ను భద్రము చేసితివి సత్యస్వరూపి నిత్యనివాసి సొత్తుగా చేసితివి నీ సొత్తుగా చేసితివి ||పాడెద||

అన్యుడనై నిన్ను ఎరుగకయున్నను ధన్యుని చేసితివి ప్రియపట్టణ పౌరుల సేవింపను వరముల నొసగితివి కృప వరముల నొసగితివి ||పాడెద||