#510మోక్ష వర్ణన

దేవుని పురము – దీప్యకరము జీవ మందిరము జీవ గృహము ||దేవ||

పరిశుద్ధ పురము – పరమార్థకరము పరమ మందిరము – పరదైసు పురము ||దేవ||

ఆనంద పురము – ఆది నిరంతరము కాన దుస్తరము – ఘన మనోహరము ||దేవ||

శృంగార పురము – సురుచిర కరము బంగారు మెరము – ప్రభల భాసురము ||దేవ||

వైభవ పురము – వంద్యమప్పురము సౌభాగ్య కరము – స్పటిక మందిరము ||దేవ||

కెంపు పాండురము – కీర్తి బంధురము ఇంపౌ నగరము – ఇదియే సుస్థిరము ||దేవ||

క్షుధలేని పురము – సుక్షేమ కరము ముదము విస్తరము – రొదలు దుస్తరము ||దేవ||

ఆశ్చర్య పురము – ఆశ్రయ కరము నిశ్చయపరము – నిజదేవ పురము ||దేవ||

మాణిక్య పురము – మణుల గోపురము వీణెల స్వరము – విన మనోహరము ||దేవ||

సూర్యభాసురము – చొరనట్టి పురము కార్య మబ్బురముగావించు గరము ||దేవ||

సీయోను పురము – శ్రేయస్సాగరము మాయ విధురము – మరి సంపత్కరము ||దేవ||

ఇచ్చు నిబ్బరము – యెరూషలేం పురము మెచ్చు నబ్బురము – మెరయు మా పురము ||దేవ||