#480లోకము క్రీస్తుకు సాటిరాదు

దరిలేని దురిత దుస్తర పారావారము – దాటించు వారెవరు – భీకరమైన – నరకాగ్ని బెట్టు బంధుర దైవ కోపాగ్ని – మరలించు వారెవరు – చంచల బుద్ధి స్థిరపరచి పరమార్థ – మెరిగించి చిరముక్తి – గురి దెల్పు వారెవరు – ఈ ధరణిలోన నర రూపము దాల్చి నీ – కొరకై జీవనమిచ్చు – కరుణాబ్ధి క్రీస్తుండు – వరదుడై యుండంగ ॥ లోకము ॥

మాటి మాటికి పాప – మార్గమున జనుచుండ – మది త్రిప్పు వారెవరు – సైతానుని తాటించి మరి వాని కైటించి యభయహస్తము నిచ్చు వారెవరు – మృత్యువు ముల్లు మీటించి సుఖమాత్మ – నాటించి తన యోర్మి – చాటించు వారెవరు – యెరూషలేము బయట గల్వరి మెట్ల – పై మేను బలియిడిన – మేటి క్రీస్తుని నామ – మమృతము నీకుండగ ॥ లోకము ॥

హృదయ సంతాప దుఃఖ దురంతమగు చింత – లతికించు వారెవరు – నెమ్మది నిచ్చి – పదిలమ్ముతో మోక్ష – పదవి యిడుగో యెంచు – పదవును వారెవరు – ఎన్నడు నిన్ను వదలి వేయ మంచు – మృదు వాక్యములు తెలిపి – ముదమిచ్చు వారెవరు ఇంకొక్క నాడు సదయుడై క్రీస్తుడు – చనుదెంచి నిను ముక్తి – సదనమున స్థిరముగా జేయు శాస్త్రోక్త మిటలుండ ॥ లోకము ॥