#439పరిశుద్ధత కొరకు ప్రార్థన

నిర్మల మనసు రంజిల్ల – నిత్య – పరమానందంబు నా యాత్మలో నెరపు – ధరణి శ్రమల నోర్పు నిమ్ము – పాప – పరితాప మనుదినం బభివృద్ధి పరచి ॥ సంపూర్ణ ॥

విశ్వాస సమృద్ధి నిమ్ము – నాదు – ఈశుండ శ్రీ యేసు ప్రేమ నెంచి సం – తోషంబుగా సేవించుటకు – నీదు – నా యాశీస్సు దయచేయు దాస పోషకుడా ॥ సంపూర్ణ ॥

నాలో కృతజ్ఞత నింపు – నన్ను – పాలించు ప్రభునికై – బ్రతుకంగా నిమ్ము – చాల తనదు మహిమ బొగడి – సర్వ – కాలంబు ధన వాక్కున్ గనిపెట్టునట్లు ॥ సంపూర్ణ ॥

నా పాపములే యేసునాథున్ – ఘోర – తాప నిర్యాణంబు లందింప జేసెన్ – నా పాపములకు దుఃఖింతున్ – దేవ – కాపాడుమీ నన్ను బాపంబునుండి ॥ సంపూర్ణ ॥

పెక్కంత శుద్ధిని బొంది – నేను – ఇక్కట్ల నోడింప శక్తి నందిమ్ము – చిక్కుల బడి యుండునప్పుడు – నీతి – లోకమంద నాసక్తి మిక్కుట పరచి ॥ సంపూర్ణ ॥

నీ రాజ్య ప్రవేశమంది – తండ్రి – యా రాజ్య శుశ్రూష నిల నేర్చునట్లు – పరిశుద్ధాత్మ సహాయ మిమ్ము – యేసు – ధరణి నీవలె నేను వర్తించునట్లు ॥ సంపూర్ణ ॥