#434క్రీస్తు దాసుల సహవాసము

దోసములను దీగ లన్ని కోసివేతము – మిగుల మోసపుచ్చు నాశలన్ని రోసివేతము – యేసు దాసులౌదము ॥ యేసు ॥

దోసిలొగ్గి ప్రభుని వేడ గాసి పడుదము – వాసిగాను యేసుమీద నాసపడుదము – యేసు దాసులౌదము ॥ యేసు ॥

జార చోర దుష్కృత్యములు పారవేతము – సత్య సార మెరుగ పరమ గురుని జేరుకొందము – ఇక కోరుకొందము ॥ యేసు ॥

ప్రాపు లేనివారికెల్ల దా పొసంగును – యేసు శాపరాసులన్ని తానే యోపి మోసెను – తండ్రి దాపొసంగును ॥ యేసు ॥

శరణుజొచ్చు నందరకును దురిత మెంచక – ఘోర మరణ బాధలెల్ల దీర్చి పరమొసంగును – స్థిర వరములిచ్చును ॥ యేసు ॥

లోక భోగముల మదినన్ని రాకింతము – ప్రభు రాక కెదురు చూడ మనమేక మౌదము – ఇప్పుడు ఏకమౌదము ॥ యేసు ॥