#412దైవ సహాయము

Author: మల్లెల దావీదుComposer/Ragam: మధ్యమావతిCategory: విశ్వాసము — ప్రార్థన — క్రైస్తవ అనుభవం

ప

కొండల తట్టు నేను – కోర్కెతోడ నాదు కన్ను లెత్తెద నిప్పుడు – దండియౌ సహాయ మెచ్చటి నుండి నాకు వచ్చునో – అండయౌ ప్రభునిచే స – హాయంబు కలుగును ||కొండల||

ఆయన భూమ్యాకాశము – లన్నిటిను సృజించె గదా – ఆయన యిక దొట్రిల్ల – నీయడు నీ పాదమున్ ||కొండల||

నిన్ను గాపాడువా – డెన్నడును కునుకడు – పన్నుగ నిశ్రాయేలు గా – పాడువాడు కునుకడు ||కొండల||

నీకు యెహోవాయే – నిజముగా గాపగు – నీ కుడిప్రక్కను ప్రభుండు – నీకు నీడగా నగున్ ||కొండల||

ధాత్రి పగలెండు దెబ్బ – రాత్రి వెన్నెల దెబ్బయైన – మాత్రమైనను నిన్ను – మార్కొనంగ జాలవు ||కొండల||

ఏ అపాయమును రా – నీయకుండ నా యెహోవ – పాయక నిను గాచును నీ – ప్రాణమున్ గాపాడును ||కొండల||

మోదంబుతో నిది – మొదలుకొని నిత్యమునన్ – నీదు రాక పోకలందు – నిను యెహోవా కాచును ||కొండల||

జనక కుమారాత్మకును – ఘనత మహిమ కలుగును – మును నిప్పుడు నెల్లప్పుడు యుగ – ముల కగును గాకామేన్ ||కొండల||