#381'నీవు నన్ను ఆశీర్వదించనియెడల నిన్ను వెళ్ళనియ్యను'

నేను శత్రువునై యుండంగా – నీవు నాపై నెనరు జూపి దాన మిచ్చితివి నా కొరకు – దారుణుడు నీ ప్రియ పుత్రుని || నిన్ను ||

త్రోవ దప్పి తిరుగుచుండ – దుడుకునైన నన్ను గాని ప్రోవంగోరి మదిని నీవు – త్రోవను బెట్టితివి నన్ను || నిన్ను ||

నాటినుండి నేటివరకు – నాకు గలిగిన శోధనములలో నేటుగా నన్ను గాచిన వాడవవు – నీవు గావా, ఓ నా తండ్రి || నిన్ను ||

ఇంతకాలము నన్ను గాచి – యింకను నన్ను విడువవనుచు సంతసించి మదిని నేను – చక్కగ నీ దరి జేరితిని || నిన్ను ||

నీవు గాక యెవరున్నారు – నేలపై నన్ను గాపాడ చేవలేని నాకు నీవు – చేవగలుగుగ జేయ గలవు || నిన్ను ||

అడుగువారి కిచ్చెద నంచు – నాథుడిచ్చినావు గాన నడిగెద నిన్ను సహాయంబు – నాత్మమై యున్నట్టి తండ్రి || నిన్ను ||

నాదు ప్రార్థనలన్నియు నీవు – నీదు కృపచే నాలకించి నీదు సరణిని నిల్పి నన్ను – నేర్పు దనరగ రక్షించితివి || నిన్ను ||