#12యెహోవా దేవుని స్తుతి (103వ దావీదు కీర్తన)

జీవమా యెహోవా నీకు జేసిన మేళ్లను మరవకు నీవు చేసిన పాతకంబులను మన్నించి జబ్బు లేమియు లేకుండ జేయును ఆ కారణముచే ॥దేవ॥

చావు గోతినుండి నిన్ను లేవనెత్తి దయను కృపను జీవ కిరీటముగ వేయును నీ శిరసుమీద జీవ కిరీటముగ వేయును ఆ కారణముచే ॥దేవ॥

యౌవనంబు పక్షిరాజు యౌవనంబు వలెనే క్రొత్త యౌవనంబై వెలయునట్లుగా మేలు తినిపిచ్చి నీదు భావమును సంతుష్టిపరచునుగా ఆ కారణముచే ॥దేవ॥

ప్రభువు నీతి పనులు చేయున్ బాధితులకు న్యాయమిచ్చున్ విభుండు మార్గము తెలియజెప్పి మోషేకు దన కార్యములను విప్పెను ఇశ్రాయేలు జనమునకు ఆ कारणముచే ॥దేవ॥

అత్యధిక ప్రేమ స్వరూపియైన దీర్ఘ శాంతుడు నిత్యము వ్యాజ్యము చేయడు ఆ కడు కృపోన్నతుడు నీ పేరు నెప్పుడు కోపముంచడు ఆ కారణముచే ॥దేవ॥

పామరులమని ప్రత్యుపకార ప్రతిఫలంబులు పంపలేదు భూమి కన్న ఆకాశంబున్న యెత్తుండు దైవ ప్రేమ భక్తి జనులందున ఆ కారణముచే ॥దేవ॥

పడమటికి దూరేంత యెడమో పాపములకును మనకు నంత యెడము కలుగజేసియున్నాడు మన పాపములను ఎడముగానే చేసియున్నాడు ఆ కారణముచే ॥దేవ॥

కొడుకులపై తండ్రి జాలి పడు విధముగా భక్తిపరుల యెడల జాలి పడును దేవుడు తన భక్తిపరుల యెడల జాలి పడును దేవుడు ఆ కారణముచే ॥దేవ॥

మనము నిర్మితమైన రీతి తనకు దెలిసియున్న సంగతి మనము మంటివారమంచును జ్ఞాపకముచేసి కొనుచు కరుణ చూపుచుండును ఆ కారణముచే ॥దేవ॥

పూసి గాలి వీవ నెగిరి పోయి బసను తెలియని వన వాస పుష్పము వలెనే నరుడుండు నరుని ఆయువు తృణ ప్రాయము మన దేవ కృప మెండు ఆ కారణముచే ॥దేవ॥

పరమ దేవ నిబంధన నాజ్ఞలు భక్తితో గైకొను జనులకు నిరతమును కృప నిలిచి యుండును యెహోవా నీతి తరములు పిల్లలకునుండును ఆ కారణముచే ॥దేవ॥