#52సాయంతన ప్రార్థన

ఆకాశంబు భూమియు – అంతట చీకటి ఆయెను ప్రాకెడు చీకటి సమయమున – ప్రార్థన చేతుము మా దేవా ||

చక్కని చుక్కలు మింటను – చక్కగా మమ్మును చూడుచుండగా ప్రక్కకు రావే వేగముగా – ప్రభువా కావుము కావుము నీ నీడన్ ||

చిన్న చిన్న పక్షులు – చిన్న చిన్న పూవులు ఎన్నో ఎన్నో జీవులు – నిన్నే కొలిచి నిద్రించున్ ||

చిన్ని చిన్ని పాపలు – చిన్ని చిన్న పడకలలో చిన్ని కన్నులు మూయంగా – చెన్నుగ యేసు కావుమా ||

నేలను బోయెడి బండ్లలో – నీటను బోయెడి ఓడలలో గాలి విమానంబులలోన – కావుము దేవ ప్రయాణికులను ||

రాత్రిలో నీదు దూతలు – రమ్యంబైన రెక్కలతో చిత్రంబుగ మమ్మును గ్రమ్మన్ – నిద్రించెదము మా దేవా ||

తెల్లవారు జామున – తెలివొంది మేము అందరము మెల్లగ లేచి నుతింపన్ – మేల్కొలుపుము నా ప్రియ తండ్రి ||

జనక తనయ శుద్ధాత్మ – జయము మహిమ స్తోత్రములు అనిశము నీకే చెల్లునుగా – అనిశము చెల్లును నీకామేన్ ||