యేసువ జయముతో యెరుషలేమున

1.యేసువ జయముతో యెరుషలేమున బ్ర వేశము జేసిన యో ప్రభువా

వాసిగ బొగడగ వసుధను జనులు విజయము జేసిన యో ప్రభువా ||యేసువ||

2.మట్టలు బట్టియు బట్టలు బరచియు గట్టిగఁ బాడగ యో ప్రభువా

అట్టహాసముతో అశ్వము నెక్కడ అణఁకువఁ గార్దభ మెక్కిన ప్రభువా ||యేసువ||

3.పిల్లలు పెద్దలు పలుకేకలతోఁ బలికి నుతించగ యో ప్రభువా

చల్లగ వానిని సరియని యొప్పి సంతోషించిన యో ప్రభువా ||యేసువ||

4.కొందరు వారిని తొందరఁ జేయగ కూర్మిని దిద్దిన యో ప్రభువా

అందరు మానిన అరచును రాళ్లని ఆనతి నిచ్చిన యో ప్రభువా ||యేసువ||

5.యెరుషలేం కొరకై యోరిమి జూపియు నేడ్చిన దయగల యో ప్రభువా

యెరుషలేమందున యాలయ మంతను శుభ్రపరచిన యో ప్రభువా ||యేసువ||

6.మా కొఱకై తన ప్రాణము బెట్టిన మాన్యుడవీవె యో ప్రభువా

మా కొరకై ధర మరణము గెల్చిన మహిమ స్వరూపుడ యో ప్రభువా ||యేసువ||

7.మాదు మనస్సును హృదయము నాత్మను నీదిగ గైకొను మో ప్రభువా

సాదర వాక్కులు చక్కఁగఁ బలికియు నాదరించుమము నో ప్రభువా ||యేసువ||