#693స్వచ్ఛంద సీయోనువాసి - సర్వాధికారి కస్తూర

ఇదిగో నేనొక నిబంధనను – అద్భుతముగా జేతున్ నీ ప్రజలందరి యెదుట – పరిశోధింపజాలని మహా – పనులల్లా ప్రభు – వే – లెక్క లేని అద్భుతములు – మక్కువతో

సంగీతనాదములతోడ – సీయోనుపురము – సొంపుగాను చేరితిమి శాశ్వత సంతోషము – మా శిరములపై వెలిసెన్ – దుఃఖము నిట్టూర్పును పోయెన్ – మిక్కిలి ఆనందము కలిగెన్ ||స్వచ్ఛంద||

నీలముల పునాదులు వేసి – నీలాంజనములతో మాణిక్యమణులతో – సువర్ణ సునీయములతో సూర్యకాంతులతో – ప్రశస్త రత్నములతో ప్రవిమలముగా – నిను కట్టెదను ||స్వచ్ఛంద||

సుమముల హరము – సంతోషానంద తైలము నీవే స్తుతి వస్త్రమును నీ – వే – ఉల్లాస వస్త్రంబు నీవే విడుదలయు నీ వే – హితవత్సరము విముక్తి ఆత్మాభిషేకము నీ వే ||స్వచ్ఛంద||

జలములలో పడి దాటునప్పుడు బలమై యుండెదను నీతోడై యుండెదను – నదులలో పడి వెళ్ళునప్పుడు నీపై పారవు – అగ్ని మధ్యను నడిచినను జ్వాలలు నిన్ను కాల్చలేవు ||స్వచ్ఛంద||

ఇత్తడి తలుపులు – పగులగొట్టెద – ఇనుప గడియలను విడగొట్టెద నేను – అంధకారస్థలములలో నున్నట్టి నిధులు రహస్యములో మరుగైన – ధనమును నీ కొసంగెదను ||స్వచ్ఛంద||

గర్భమున పుట్టింది మొదలు – తల్లి ఒడిలోన కూర్చుండింది మొదలు – నేను చంక పెట్టుకొన్న నాదు ప్రజ లారా – ముదిమి వచ్చు వరకు నిన్ను – ఎత్తుకొనువాడను నేనే ||స్వచ్ఛంద||