#687లేచినాడూరా - సమాధి గెలిచినాడూరా - యేసు ల

భద్రముగా సమాధిపై – పెద్దరాయిని ఉంచి భటులు ముద్రవేసి రాత్రియంత నిద్రలేక కావలియున్న ||లేచినా||

ప్రభువు దూత పరమునుండి – త్వరగా దిగి రాయిని దొర్లించి భీకర దానిపై కూర్చుండె – భయము నొంద కావలివారు ||లేచినా||

ప్రొద్దు పొడవక ముందే స్త్రీలు సిద్ధపరచిన సుగంధములు శ్రద్ధతోడ తెచ్చి యేసుకు – రుద్దుదామని వచ్చి చూడ ||లేచినా||

చూడవెళ్ళిన స్త్రీలను దూత – చూచి అప్పుడే వారితోడ లేడు గలిలయ ముందరగా పోతున్నాడు – అప్పుడే లేచినాడని ||లేచినా||

చచ్చిపోయి లేచినాడు – స్వామి భక్తులకు కనబడినవాడు చచ్చినను నన్ను లేపుతాడు – చావు అంటే భయపడరాదు ||లేచినా||

నేను చేసే పనులనెరుగు – నేను నడిచే మార్గమెరుగు నేను చెప్పే మాటలెరుగు – నేను బ్రతికే బ్రతుకునెరుగు ||లేచినా||

నేను లేచిన యేసునందు – మానక మదినమ్మి యుందు – తాను నాలో ఉన్నందున – దయను చేర్చును మోక్షమందు ||లేచినా||

పాపభారము లేదు మనకు మరణభయము లేదు మనకు నరకబాధ లేదు మనకు – మరువకండి యేసుప్రభుని ||లేచినా||

యేసునందే రక్షణ భాగ్యం – యేసునందే నిత్యజీవం యేసునందే ఆత్మశాంతి – యేసునందే మోక్షభాగ్యం ||లేచినా||

పాపులకై వచ్చినాడు – పాపులను కరుణించాడు పాపులను ప్రేమించినాడు – ప్రాణదానము చేసినాడు ||లేచినా||