#686రేయింబగలు నీ పదసేవే - యేసు ప్రభువా - చేయ

పరమపురిలో వరదా నిరతం – దూతగణముల స్తుతులను సల్పి శుద్ధుడు పరిశుద్ధుడనుచు – పూజనొందే దేవుడవు నీవే ||రేయిం||

జిగటమన్నే మానవులంతా – పరమ కుమ్మరి ప్రభుడవు నీవే సృష్టికర్తను మరచి జనులు – సృష్టిని పూజించుట తగునా ||రేయిం||

పెంటకుప్పలనుండి దీనుల – పైకిలేపు ప్రభుడవు నీవే గర్వమణచి గద్దెలు దించి – ఘనులనైనా మేపవు గడ్డి ||రేయిం||

నరుల నమ్ముట కంటే నిజముగా – నీదు శరణం శరణం దేవా రాజులను ధరణి నమ్ముటకంటే – రాజరాజవు నాకాశ్రయము ||రేయిం||

అగ్నివాసన అంటకుండా – అబేద్నెగోలతో నుండి నదేవా – దానియేలును సింహపు బోనులో – ఆదుకొన్న నాథుడవు నీవే ||రేయిం||

పరమగురుడవు ప్రభులకు ప్రభుడవు – వరము చేర్చు పదము నీవే అడుగుజాడల నడిచిన – హనోకు – పరము చేరె ప్రాణముతోడ ||రేయిం||

మృతుల సహితము లేపినావు – మృతిని గెలిచి లేచినావు మృతులనెల్ల లేపువాడవు – మృత్యువును మృతిలేపినావు ||రేయిం||