#680మధురం మధురం మధురం - యేసునాథ కథ మధురం

మధురమే మన ప్రభు యేసుని నామం – మానవాళికదే మాధుర్యము నామం – పాపిని బ్రోచెడి పావన నామం పరమున చేర్చే పరిశుద్ధనామం ||మధురం||

మారని దేవుని మాటయే మధురం – మదిలో దలచిన కలతను తీర్చున్ – ఎదలో బాధను బాపున్ నిరతం – నమ్మిన నరులకు నెమ్మది ఇచ్చున్ ||మధురం||

పగలు రేయి ప్రార్థించుటే మధురం పరిశుద్ధుల సహవాసమే మధురం – అపొస్తలుల సద్బోధయే మధురం – మధురాతి మధురం పరిశుద్ధ రుధిరం ||మధురం||

జంటితేనె ధారలకంటే – కమ్మనిది ప్రభు క్రీస్తుని వాక్యం – ఆదియందు ఆ వాక్యమే యుండెన్ – వాక్యమే ప్రియప్రభు యేసుగ మారెన్ ||మధురం||

అందరిలో అతిసుందరుడతడు – ఆది దేవుని ఏకైక సుతుడు ఆశ్చర్యకరుడా ఆలోచన కర్త – అవతరించె భువిన్ అందరి కొరకే ||మధురం||

యేసే క్రీస్తని యెరిగిన మేము – పరుగిడితిమి పాపము నుండి దూరం పొందితిమి ఆత్మానందభాగ్యం ప్రకటించుటే మా ప్రధానధేయం ||మధురం||