#674ప్రభు ప్రేమ తొలికేక - హృదయములో ప్రతిధ్వన

పాపవికారము పొడచూప – జీవితవిలువలు మరుగాయె ఫలితముగా లోకములో – బ్రతుకుటయే నా గతియాయె పలువురిలో కనబడలేక – దాహముతో నేనొంటరిగా బావికని పయనింప – నాథుని దర్శనమెదురాయె పావనుడు దాహముతో – జలమును ఇమ్మని నన్నుగోరె ||ప్రభు||

జాతిని చూడని నేత్రముతో – పాపము శోకము హృదయముతో జాలిని చాటించుచునే – తాకెను నామది వేదనతో జాప్యము చేయక తెమ్మనియే – దాచుకొనిన నాపాపమును జడియుచునే తెలిపితిని – ప్రభు వెరిగిన నా నిజస్థితిని జయమొందె నాతనువూ – సరిగ నుడితివని ప్రభు తెలుపగా ||ప్రభు||

దేహమునే నాసర్వముగా – భావించుచు మది పూజింప దినదినమూ జీవితమూ – చావుగా మారిన కాలములో దేవునిగా నా బంధువుగా – మరణ ప్రవాహము ఛేదించి దరిజేర్చి దీవించి – నూతన జన్మ ప్రసాదించే దయ్యాళ్లకు హరమును – స్తుతి మందిరముగా రూపించే ||ప్రభు||

పాపము దాగును నాబావి – లోతును చూచినదెవరు పోరాటవాటికయై – నా బ్రతుకును ఎరిగినవారెవరు పాపికిని పాపమునకునూ – భేదము చూపినవారెవరు పాపిని కాపాడుటకు – సిలువను మోసినవారెవరు ప్రకటించె దైవకృప – తెరిచెను జీవన జలనిధులు ||ప్రభు||

ఘటముతో వెడలితి నొంటరిగా – పితరుల తాతల జనములకై కనబడెను బావికడ – రక్షణయూటల ప్రభుయేసు కుండను వీడి పరుగిడితి బావిని గని చొని హృదయములో ఘనమైన శుభవార్త – ఆతృప్తతతో ప్రజలకు తెలుప గ్రామప్రజా కనుగొనిరి – విశ్వవిమోచకుడగు యేసున్ ||ప్రభు||