#595మట్టల ఆదివారము

మందమారుతము లందము నొసగగ – డెందములకు నా నందము నిండగా సుందర పక్షుల సుమధుర గానము సుఖావాహం బై శోభించెను గా || మనో ||

అరుణ భాస్కరుని కిరణాకరము – ధరణి దిక్తటముల దరిజేరెను గా ధరా వలయమఖిల భానునిచే దగదగితీయమై వెలిగెను గా || మనో ||

పులుగుల కిలకిల కలరవములతో – పొందుగ గలసిన భూరి రవంబు లలిత మనోహర శ్రావ్యము వినుమా – తలపన్ దానికి కారణ మేమో || మనో ||

రయమున ఒలీవ నగరంబు కనుమా – రభస యుక్తమగు జనమును కనుమా జయం జయంబను జయ ధ్యానంబులు – వియదంతము జనమ్రోగుట వినుమా || మనో ||

ప్రసన్న వదనుడు – భానుతేజుడు – అసంఖ్య జనగణ పరివృత బలుడు ప్రస్తుత రాసభాసీనుడు యేసుడు – అసమ శాంతితో – నరుదెంచె నహో || మనో ||

జయములు పాడెడి బాల చయముతో – సాత్వికుడై రాసభంబు నెక్కి జ్యోత్స్వవంబుతో సర్వేశ్వరుడు – చనిరా హృదయము సమర్పింతుదము || మనో ||