#588ఆదివారపు బడి – సంఘపు బడి ప్రాముఖ్యత

విద్యార్థులకు బోధంబు – వినుడొజ్జలకు మోదంబు – పద్యాలు కీర్తనంబు లభ్యంగ నిదితరుణంబు || సఖులారా ||

మేలౌ కుటుంబములకు – మితిలేని సంఘములకు – జాల ప్రదేశంబులకు – సన్మార్గమొదపు నెలవు || సఖులారా ||

పసిబిడ్డలను రావించి – పరిష్వంగమును గావించి – వెసను బ్రేమతో దీవించి విభుడంపె నిది భావించి || సఖులారా ||

ఆబాలగోపాలముగ – నా చంద్ర తారకముగ – బైబిలును యుక్తముగా – భరియింపదగు జిత్రముగ || సఖులారా ||

మన జిహ్వలకు మధురంబు – మన యంఘ్రులకు దీపంబు – మన చేతులకు ఖడ్గంబు – ప్రభున పావన వేదంబు || సఖులారా ||

శుభవార్తమానంబు విని – సొంపొంద రక్షణ గని – ప్రభు సంఘమున జేరుకొని – పరులన్ రక్షించుడి చని || సఖులారా ||

ధరణిలో బడులూరుర – స్థాపించబడి పెంపార – పరమాత్ముని మన సార – బ్రార్థింతము హితులారా || సఖులారా ||