#573క్రైస్తవ దాతృత్వము

శక్తికొలది కాన్కలర్పింతము – మన – భుక్తినుండి కొంత తీయుదము ||దాతృ||

సంతోషముగా నియ్య సాగుదము – మన – సొంతంతటితో జేయ నేగుదము ||దాతృ||

గర్వఘనములు వీడి యర్పింతము – యుర్వి – సర్వ మాయనదంచు నేర్పింతము ||దాతృ||

సంఘ సేవకు సొమ్ము సమకూర్తము – క్రీస్తు – సంఘ యెక్కరలన్ని తీర్చుదము ||దాతృ||

ప్రతి యాదివార మిది మది నుంతము – దీని ప్రతి సంఘస్థుడు చేయ బోధింతము ||దాతృ||

విధిని దలచి దుర్భలుల రక్షింతము – సంఘ – విధవాళి దానముతో దర్శింతము ||దాతృ||

దిక్కులేని జనుల దీవింతము – వారి – యెక్కరలలో మేలు గావింతము ||దాతృ||

పుచ్చుకొనుటకంటె నిచ్చుదము – మరల – నిచ్చు తండ్రికి స్తుతుల నిచ్చెదము ||దాతృ||

వెదజల్లి యభివృద్ధి పొందుదము – మోక్ష – పదవులను భుజింప బరుగిడుదము ||దాతృ||

వర్ధిల్లిన కొలది చెల్లింతము – లోక – వ్యర్థ ఖర్చులనెల్ల మళ్ళింతము ||దాతృ||