#456క్రైస్తవ సేవ

Author: మొలతాటి విద్యానందముComposer/Ragam: సావేరిCategory: విశ్వాసము — ప్రార్థన — క్రైస్తవ అనుభవం

ప

సంతోసంబున వత్తు – సర్వేశ్వరుని చిత్త – మెంతయు నెరవేర్చెదను – వంతలు విడి నాదు – నంతరంగము కదుర – నెంతొ విశ్వాసమున – వెంట వచ్చె దను ప్రభువా ॥ సంతో ॥

సురుచిరముగు మరియ – సూనుని యాజ్ఞలు – శిరమున నిడికొందును – మరియ మనసుతో – మార్తమ్మ కరములతో – బరమ సౌఖ్యము బొంద – భక్తితో సేవింతు ॥ సంతో ॥

నా రాజు సేవ దు – ర్భరమై బాధగా నున్న – భారంబుగాను దోచదు – సారెసారెకు – దనదు – చక్కని చిరునవ్వు – వారించి భారమును – ధీరత నొసగును ॥ సంతో ॥

కారుణ్యమున నాదు – కల్మషమయ హృదయ – భారములను మోసితి – ఆ రాజ్యమునగల – యాస్తికై నా చిత్త – మాలసింపక నెత్తి – యందే స్థిరముగా నుంచు ॥ సంతో ॥

ఈ యిల నే జేయు – సేవకు ఫలములు – నీ చోట గనుగొందునే – కాయం బీదర – కర్మలం గరపిన – నా యాస్తి నా హృదయ – మా లోకమున మండు ॥ సంతో ॥