#344నూతన జన్మము

వేదశాస్త్ర మెరిగినట్టి – యూదుల యధికారియౌ ని కోదే మనెడు పరిసయ్యుండు – మదిని దలచుచున్ || పరమ ||

అతడు రాత్రివేళ ప్రభుని – వెదకి పోయి యెదుట స మ్మతిని నిలిచి పిలిచి పల్కె – హితువుతోడను || పరమ ||

బోధకుండ నీవు మోక్ష – నాధుడౌ యెహోవ యొక్క వేద వార్త జెప్పెదవు నీ – బోధ నెరుగుదున్ || పరమ ||

మరియు నీవు చేయుచున్న – గురుతు లెవ్వరైన దైవ వరము లేని యట్టి పాప – నరులు చేయరు || పరమ ||

అనుచున్ పరిసయ్యుండు పల్క – వినుచు యేసు కనికరమునన్ దనకు నిట్లు దెలిపెన్ జాలి – మనసుతోడను || పరమ ||

క్రొత్త జన్మ మెవ్వడైన – నెత్త కున్న మోక్షమునకు నెత్తబడడటంచు నిజము – క్రీస్తు పల్కెను || పరమ ||

వినుచున్ పరిసయ్యుండు ముసలి – జనుడు మరల తల్లి గర్భ మునను తిరిగి యెట్లు బుట్టు – ననుచున్ బల్కెను || పరమ ||

అందుకేసు దెల్పె జలము – నందు నాత్మయందు జన్మ మొంద కున్న మోక్ష రాజ్య – మొంద రనుచును || పరమ ||