#333పశ్చాత్తాపపడుటకు ప్రేరేపణ

ఎంత పాపమైనను – జీవమా క్రీస్తు – చెంత ప్రార్థన చేయుము – సంతోషమును మన – శాంతిని నొసంగును – నంతుండైన విమ – లాత్ముడాదరించు ॥పశ్చాత్తాపము॥

జార చోర కార్యములు – ఏవైనను – బారదోలును వేగము – నా రాజ్యమును వెదక – నరులందరకు జీవ – ధార లిచ్చెదనని – కోరి కర్త వచించె ॥పశ్చాత్తాపము॥

వినుము ప్రభువు వాక్యము – జీవమా నీవు – గనుము రక్షణ భాగ్యము – తనువు నిత్యముగాదు – నిన్ను నీవు నమ్మకుము – వినయ బుద్ధి క్రీస్తు – పుణ్యము వెతుకుము వేగ ॥పశ్చాత్తాపము॥

దిక్కుమాలిన దానవే – జీవమా ప్రభుని – మ్రొక్కి పరమును జేరవే – నిక్కమిది నీ పాప – మెక్కువగానున్న – మక్కువతో నిన్ను – గ్రుక్కున విడిపించు ॥పశ్చాత్తాపము॥

బలములేని దానవే – జీవమా యాత్మ – బలము బొందుము వేగమే – ఇలను విద్య ధన – బలముల నమ్మక – కలుష జాలము వీడి క – రము కడకేగుము ॥పశ్చాత్తాపము॥

మంద పోషకుండగు – క్రీస్తు – జీవమా యేసా – నందపూర్ణుడు ధీరుడు – వందిత సత్సంఘ – మందు జేరిన సత్యా – నందంబు నిత్యంబు – నొందుచునుందువు ॥పశ్చాత్తాపము॥