#231క్రీస్తు శరణు గోరుట

అంత్యదినము నాటి బాధ – లాలకించండి – నరక – ప్రాంతమునకు బోకమునుపే – ప్రభువును వేడండి ॥ఓహో॥

మింట ప్రభువు తేజోమయమౌ – మేఘారూఢుండై – యగ్ని – మంట వీను సింహాసనము – నంటి కూర్చుండు ॥ఓహో॥

అంధకారమగును సూర్యుడా దినమందు – కుముద – బాంధవుడు మిగుల రక్త – వర్ణము నొందును ॥ఓహో॥

కడు భీతిగ సర్వసృష్టి – కంపించుచు నుండున్ – భూమి కదలి యభ్రము. ప్రేమతో నడిగెదను నా – ప్రియబంధువులారా – మీర – లామహా దినమందున ధిరమై – యట నిలువగలరా ॥ఓహో॥

కామక్రోధ లోభమోహ – గర్వ గుణములను – మీరు – ప్రేమించి చేసితిరి గద – పెక్కు విధములను ॥ఓహో॥

కల్లలాడుచుడి ప్రొద్దు – గడుపుచుంటిరే – ఇంక – చిల్లర వేల్పుల పూజ – చేయుచుంటిరే ॥ఓహో॥

ప్రకటంబుగ నైన మరి గు – ప్తస్థల మందైన – చేయు – సకల క్రియలు ప్రభువున కెరుక – సంపూర్ణముగాను ॥ఓహో॥

జాతి గోత్రమడుగ బోడు – సర్వేశ్వరుండు – క్రియల – రీతి మనసు మాత్రమె విచా – రించు ప్రభువతడు ॥ఓహో॥