#181క్రీస్తు శ్రమల ధ్యానము

కరుణగల సోదరుండై – యీయన – ధరణి కేతెంచెనయ్యా స్థిరముగా నమ్ముకొనిన – మన కొసంగు – వరలోక రాజ్యంబును ||రాజులకు||

నక్కలకు బొరియలుండె – నాకాశ – పక్షులకు గూళ్ళుండెను ఒక్కింత స్థలమైనను – మన విభుని – కెక్కడ లేకుండెను ||రాజులకు||

అపహాస్యములు చేయుచు – నాయన – యాననము పైన ఉమియుచు కృప మాలిన సైనికు – లందరును – నెపము లెంచుచు గొట్టిరి ||రాజులకు||

కరమునందు ఒక రెల్లు – పుడకను – స్థిరముగా నుంచి వారల్ ధరణిపతి శ్రేష్ఠుడా – నీకిప్పుడు – దండ మనుచును మ్రొక్కిరి ||రాజులకు||

ఇట్టి శ్రమలను బొందిన – రక్షకుని – బట్టుదలతో నమ్మిన అట్టహాసముతోడను – వరలోక – పట్టణంబున జేర్చును ||రాజులకు||

శక్తిగల రక్షకుండై – మన కొరకు – ముక్తి సిద్ధము జేసెను భక్తితోడ బ్రార్థించిన – మన కొసగు – రక్తితో నా ముక్తిని ||రాజులకు||

త్వరపడి రండి రండి – యీ పరమ – గురుని యొద్దకు మీరు దరిని జేరిన వారిని – యీ ప్రభువు – దరుమ డెన్నడు దూరము ||రాజులకు||