#153యేసును అనుకరించుట

ఆలయ ఆరాధనలకు – బోయెడి యలవాటుగలిగి – చాలమారులు ఆలయమునకు అరిగిన యా ప్రభుని వాడుక ||నేర్చుకొనరే||

దైవవాక్య పఠనమందున – దీక్షగలిగియు మరియు సుతుడు – దివ్యముగ నా గ్రంథ పఠనము జేసిన విధంబు మీరు ||నేర్చుకొనరే||

పరమ తండ్రికి ప్రార్థనలు – ప్రతివేళ జేయుట పరమ విధియని మరువకను – ప్రార్థించి మనలను నిరతమును ప్రార్థింపమనెను ||నేర్చుకొనరే||

బీద పాపులు బాధితులు – బంధింపబడిన వారి కెల్లను – ఆదరము జూపించి మేలును జేసిన విధంబు మీరు ||నేర్చుకొనరే||

సువార్త ప్రకటన చేయుట – సుభాగ్యముగ దలంచి ఈ భూమి సేవలో సువార్త చాటుచు సంచరించిన యేసు వాడుక ||నేర్చుకొనరే||

అక్కరలలో దను జేరి – మక్కువతో ప్రార్థించి వేడిన పెక్కు జనముల యక్కరలను చక్కగ దీర్చిన విధంబును ||నేర్చుకొనరే||

దైవచిత్తము తీర్చుటయే తన ధర్మ విధిగ నెరిగి యాయన ధరణిలో నా ధర్మమునకై మరణమొందిన విభుని మాదిరి ||నేర్చుకొనరే||