#152యేసుక్రీస్తు ప్రత్యక్షత

నక్షత్ర మార్గాన జ్ఞానుల్ – బోయి – రక్షకుని జూచి రక్తిమీరంగ కాంక్షతో ప్రభునికి మ్రొక్కి కాన్కల్ – కాంతిమీరగ నిచ్చి తరలి పరగన్ ||కనరే||

పదియు రెండేండ్ల ప్రాయమున – ప్రభువు – పస్కాపండుగనకు బరగబోయెనుగ ముదముప్పె దేవాలయములో – జేరి – ముద్దుగ బోధించె బోధకులకును ||కనరే||

కానావూరి పెండ్లికరిగి – ప్రభువు – ఘనముగ నీళ్ళు ద్రాక్షారసముగ జేసెన్ తన వర మహిమను బయలుపరచి – శిష్యుల – మనముల బలపరిచె ఘన విశ్వాసమున ||కనరే||

కుష్ఠరోగి యొక్కడు వచ్చి – తనదు – కుష్ఠరోగము బాప ప్రభుని వేడంగ ఇష్టమతితో ప్రభువు వాని – ముట్టి కుష్ఠరోగము బాపె కోర్కెలూరంగ ||కనరే||

శతాధిపతి విశ్వాసమును – ప్రభువు – తరచి చూచి మెచ్చి దయ జూపి కనరే హితముగ వాని దాసుని పక్ష – వాతంబు స్వస్థత మరి గావించెనుగ ||కనరే||

గాలివానల విప్లవంబు – ప్రభువు – గద్దించి సద్దణచి ఘన మహిమ జూపె గాలి సంద్రముపైన హక్కు – ప్రభునికి గలదంచు శిష్యులు ఘనపరచిరిగ ||కనరే||

ఇట్టి శక్తిగల ప్రభుని – మనము – గట్టిగ నమ్మిన కలుగు రక్షణము పట్టు వీడక ప్రభుని నెప్పుడు – గొల్చి – పరమ శాంతిని బొంది మరి వెలుగగలము ||కనరే||