#149క్రీస్తునందు ప్రత్యక్షమైన దేవుని ప్రేమ

సర్వ లోకము మనలను – తన వాక్య – సత్యంబుతో జేసెను సర్వోపకారుడుండ – మన మీధ – జాలిపరుడై యుండెను ||దేవుని||

మానవుల రక్షింపను – దేవుండు – తన కుమారుని బంపెను మన శరీరము దాల్చెను – ఆ ప్రభువు – మన పాపమునకు దూరుడే ||దేవుని||

యేసుక్రీస్తను పేరున – రక్షకుండు – వెలసినాడిలలోపల దోషకారి జనులతో – నెంతోను – భాషలను పలికినాడు ||దేవుని||

పాప భారంబుతోడ – నే ప్రొద్దు – ప్రయాసముల బొందెడి పాపులందరూ నమ్మిన – విశ్రాంతి – పరిపూర్ణమిత్తు ననెను ||దేవుని||

సతులైన పురుషులైనను – యా కర్త సర్వ – జనుల యెడలను సత్ప్రేమగ నడిచెను – పరలోక సద్బోధలక జేసెను ||దేవుని||

చావు నొందిన కొందరిని – యేసుండు – చక్కగా బ్రతికించెను సకల వ్యాధుల రోగులు – ప్రభునంటి – స్వస్థంబు తా మొందిరి ||దేవుని||

గాలి సంద్రపు పొంగులన్ – సద్దణచి – నీళ్ళపైన నడిచినాడు మేలు గల యద్భుతములు – ఈలాగు – వేలకొలదిగ జేసెను ||దేవుని||

చేతుల కాళ్ళలోను – రార రాజు – చేర మేకులు బొందెను పాతకులు గొట్టినా రే – పరిశుద్ధ – నీతి తా మోర్వలేకన్ ||దేవుని||

ఒడలు రక్తము గారగ – దెబ్బలు – చెడుగులందరూ గొట్టిరి వడి ముళ్ళు తలమీదను – బెట్టిరి ఓర్చెనో రక్షకుండు ||దేవుని||

ఇన్ని బాధలు బెట్టుచు – దను జంపు – చున్న పాప నరులను మన్నించు మని తండ్రిని – యేసుండు – సన్నుతితో వేడెను ||దేవుని||

రక్షకుడు శ్రమ బొందగా – దేశంబు – తక్షణము చీకటయ్యెను రక్షకుడు మృతి నొందగా – తెర చినిగి – రాతి కొండలు పగిలెను ||దేవుని||

రాతి సమాధిలోను – రక్షకుని – నీతిగల దేహంబును పాతి పెట్టిరి భక్తులు – నమ్మిన – నాతులందరూ జూడగా ||దేవుని||

మూడవ దినమందున – యేసుండు – మృతి గెల్చి లేచినాడడు నాడు నమ్మిన మనుజులు – చూచిరి – నలువది దినములందున ||దేవుని||

పదునొకండు మారులు – వారలకు – ప్రత్యక్షమాయె నేసు పరలోకమునకు కేగెను – తన వార్త – బ్రకటించమని పల్కెను ||దేవుని||

నమ్మి బాప్తిస్మమొందు – నరులకు – రక్షణము మరి కలుగును నమ్మనొల్లక పోయెడు – నరులకు – నరకంబు సిద్ధమనెను ||దేవుని||