#142యేసు నామస్మరణ

నరుల పాప హరణమునకై – నరుడయ్యె మనసా పరమ పుర ద్వారంబు మనకు – తెరచెనే మనసా ||శ్రీ||

నరుల పాప శాప ఫలము – నరకమే మనసా మరణమును తొలంచ ప్రభువే – నుడివెనే మనసా ||శ్రీ||

పాపమునకు ప్రాయశ్చిత్తం – భవ్యమే గదా ప్రభువే ప్రాయశ్చిత్త బలియై – పరగెనే మనసా ||శ్రీ||

సిలువవేసి ప్రభుని ప్రజలు – చంపరే మనసా బలుడు తిరిగి లేచే మృతిని – గెలిచెనే మనసా ||శ్రీ||

గెలిచి యేసు హితుల మధ్య – నిలిచెనే మనసా నిలిచి సమాధాన ముంచు – పలికెనే మనసా ||శ్రీ||

పునరుత్థాన మేసు దేవ – పుత్రుడని మహా ఘనముగా ప్రకటించుచుండ – కాననే మనసా ||శ్రీ||

తానే మార్గం తానే సత్యం – తానే జీవము ఈ పునః సత్యంబు నమ్ము నరులు – ధన్యులే మనసా ||శ్రీ||

నిన్ను నీ వెరిగి ప్రభుని – నెరుగవే మనసా సన్నుతుడందుల కొసంగె – సత్య వేదము ||శ్రీ||

పాపములకు పరితపించి – ప్రభుని జేరవే దాపునకు రమ్మంచు కరము – చాపెనే మనసా ||శ్రీ||

ఎంత ఘోర పాపమైన – నెంచడే మనసా ఎంత మెత్తనైనను క్షమి – యించునే మనసా ||శ్రీ||

బ్రతుకు శాశ్వతంబు కాదు – పరికించు మనసా ఈ బ్రతుకునందె ప్రభుని పదము – పట్టుకో మనసా ||శ్రీ||

జనక కుమారాత్మ దేవున్ – జపియించు మనసా అనయమును స్మరించు స్వర్గ – మదియె మనసా ||శ్రీ||